Nënkomisioni i Posaccëm Parlamentar për përzgjedhjen e kandidatëve për anëtarë të Këshillit të Lartë të Prokurorisë (KLP) dhe Këshillit të Lartë Gjyqësor (KLGJ) nga rradhët e shoqërisë civile ka vijuar me marrjen në pyetje të kandidatëve. Në seancën e sotme, para komisionit është paraqitur kandidatura e Eris Hysi, e cila shpalosi veprimtarinë e saj dhe arsyet e kandidimit për një nga vendet vakante në organet qeverisëse të sistemit të drejtësisë.

Kreu i Grupit Parlamentar të Partisë Demokratike, Gazment Bardhi, pyeti kandidaten Eris Hysi nëse ka ndonjë lidhje me Sekretarin e Përgjithshëm të Kryeministrisë, Engjëll Agaçi. Hysi pranoi se ka njohje me Agaçin, por sqaroi se raportet e tyre datojnë nga koha kur ai ushtronte profesionin e avokatit.