Norvegji, 28 gusht – Ylli i Manchester City, Erling Haaland, ka vendosur të shtojë mbiemrin e nënës së tij në fanellën e kombëtares norvegjeze, duke kaluar nga “Haaland” në “Braut Haaland”. Fanela e re tashmë është në shitje me sloganin: “Një kapitull i ri për Norvegjinë”.

Haaland do të debutojë me emrin e ri më 4 shtator në një ndeshje miqësore ndaj Finlandës, përpara kualifikimeve të Kupës së Botës 2026 kundër Moldavisë. Gjenerata e re norvegjeze, e udhëhequr nga Haaland, Odegaard, Nusa dhe Sorloth, synon të rikthejë ekipin kombëtar në Botëror pas 25 vitesh, që nga paraqitja e fundit në Francë 1998.

Trajneri Ståle Solbakken u shpreh i surprizuar, por me humor: “Ky është emri i tij (Braut), nuk dija asgjë për të deri tani, por nuk do të jetë e komplikuar”.

Norvegjia kryeson Grupin I të kualifikimeve përpara Italisë, Izraelit, Estonisë dhe Moldavisë me 12 pikë nga katër fitore në katër ndeshje. Nuk dihet nëse ndryshimi i emrit do të aplikohet edhe te Manchester City, por simbolikisht, Braut Haaland shënon fillimin e një epoke të re me kombëtaren norvegjeze.