Ish-deputeti Ervin Salianji ka vijuar takimet me demokratët, duke ndaluar sot në Vlorë, ku gjatë fjalës së tij kritikoi ashpër ish-kryetarin e PD, Sali Berisha, për situatën aktuale të Partisë Demokratike.

Salianji theksoi se rotacioni politik nuk mund të justifikohet vetëm me fajin e kryeministrit Edi Rama, pasi përgjegjësi të madhe mbart edhe Berisha. Ai u shpreh se premtimet për hapje të partisë ishin të zbrazëta dhe se demokratët ndjejnë dhimbjen për pasojat e humbjes së zgjedhjeve, veçanërisht në Vlorë.

“Demokratët për të kompensuar humbjen duhet të fitojnë në 6 qarqe të tjera. Përse nuk i shohim këto, apo do vazhdojmë të themi që fajin e ka Edi Rama… Edi Rama duhet larguar, por ne duhet të gjejmë njerëzit e duhur,” tha Salianji.

Ai shtoi se kryetari aktual i PD mban përgjegjësi për gjithçka që ka ndodhur me partinë gjatë katër viteve të fundit dhe kritikoi mungesën e garës së brendshme për rikandidimin e Berishës, duke përjashtuar kontributorët që mbajnë barrë të rëndë në strukturat e partisë.

“Gënjeshtrat vetëm e dëmtojnë PD,” përfundoi Salianji, duke vënë theksin tek nevoja për diskutim të hapur dhe respektim të Kushtetutës së partisë për zgjedhjet e ardhshme në prill.