Notarja dhe avokatja me origjinë shqiptare, Eva Buzo, ka përfunduar me sukses sfidën e saj të jashtëzakonshme duke notuar nga brigjet e San Focca, Itali, deri në Gadishullin e Karaburunit në Shqipëri. Ky udhëtim i gjatë dhe i lodhshëm përfundoi kur Eva arriti të prekë tokën shqiptare në një nga gjiret e Karaburunit, afër kepit të Gjuzës, pas një notimi të pandërprerë që zgjati plot 34 orë.

Sfida e sivjetme kishte një rëndësi të veçantë për Evën, pasi vitin e kaluar, për shkak të disa komplikacioneve, ajo nuk arriti të përfundojë këtë rrugëtim. Këtë herë, megjithatë, Eva tregoi një forcë të madhe fizike dhe psikologjike, duke përballuar me sukses të gjitha vështirësitë e udhëtimit. Gjatë këtij notimi të gjatë, ajo ndaloi vetëm për pak çaste për të pirë ujë, duke mbajtur një ritëm konstant dhe pa përballuar probleme të mëdha.

Në momentin e mbërritjes në tokën shqiptare, Eva nuk ishte në gjendje të fliste për shkak të kalcifikimit të gojës nga ekspozimi ndaj kripës, por gjendja e saj shëndetësore ishte shumë e mirë. Ky përfundim i suksesshëm i sfidës dëshmon vendosmërinë dhe qëndrueshmërinë e saj në përballjen me sfida të mëdha.