Papa Françesku ka shprehur mirënjohjen e tij ndaj kardinalit Ernest Simoni, i cili u burgos nga regjimi komunist në Shqipëri para 60 vitesh për devotshmërinë e tij ndaj fesë Katolike. Në letrën e dedikuar kardinalit Simoni, Papa Françesku i ka uruar Krishtlindje të Shenjta dhe i ka dhënë bekimin e tij për kontributin e pamohueshëm të kardinalit për Kishën Katolike.

“Me rastin e 60-vjetorit të arrestimit tuaj, dëshiroj t’ju shpreh afërsinë time shpirtërore. Faleminderit për dëshminë dhe për çka bëre për Kishën. Vijo të jesh ikona gëzimplote e dashurisë së Krishtit. Duke ju uruar Krishtlindje të Shenjta, ju jap me gjithë zemër bekimin tim, të cilin e shtrij edhe mbi të gjithë ata të cilët ndajnë me ty këtë çast hiri. Lutuni për mua, ashtu si edhe unë do të lutem për ju, dhe të dy do të lutemi për paqen në botë,” thuhet në letrën e Papa Françeskut për kardinalin shqiptar.

Kardinali Ernest Simoni u burgos më 24 dhjetor 1963 nga regjimi komunist pasi ofroi një meshë për presidentin e vrarë John Fitzgerald Kennedy. Ai vuajti torturë dhe dënimi me vdekje, por u shndërrua në burg. Në këtë letër, Papa Françesku shprehet me respekt ndaj kujtimit të përkushtuar të kardinalit Simoni për besimin e tij pavarësisht sfidave të mëdha.