Analisti Fatos Lubonja, i ftuar në një emision televiziv, komentoi mbajtjen e Asamblesë të Partisë Socialiste dhe qasjen e kryeministrit Edi Rama ndaj opozitës.

Lubonja theksoi se kryeministri foli me tone të ashpra për opozitën pas investigimit të RAI3, duke deklaruar se “opozitën do ta zhdukim”. Sipas Lubonjës, Rama vepron më tepër për shou dhe jo për përmbajtje reale.

“Edi Rama foli ashpër për opozitën, pas investigimit të RAI3. Asambleja mund të jetë edhe Asamble pune. Kur bëhet realisht punë, nuk bëhet me kaq shumë zhurmë. Më shumë e shoh si akt propagandistik. Kur Rama thotë se jemi shumë mirë, nuk e di se çfarë mund të presim. Rama bën ndryshime për fasadë. Edhe udhëtimet në Athinë dhe në Milano ishin propagandë,” tha Lubonja.

Sipas analistit, deklaratat dhe veprimet e Ramës shpesh janë të drejtuara nga një qëllim propagandistik dhe shërbejnë më tepër për të krijuar një imazh publik sesa për të adresuar problemet reale të vendit.