Dojna dhe Vlashenti janë një ndër çiftet e showbiz-it që i pëlqejnë shumë aventurat dhe dyshja është e vendosur që të marrë me vete djalin kudo që shkojnë.

Përmes një postimi të bërë në profilin e saj të Instagramit, Dojna ka treguar se është nisur në një udhëtim me makinë për në Austri, i cili ka zgjatur 14 orë.

Teksa ka publikuar një foto ku shihet së bashku me Vlashentin dhe Nolan Sol, moderatorja shkruan: “Pas 14 orësh udhëtim, pa ju dëgjuar zëri, ky fëmijë merr titullin: “Fëmija i vitit” e nuk dua të ma diskutoni hiç”, postim të cilin e ka shoqëruar me ikonën e të qeshurës.

Kujtojnë që Dojna dhe Vlashenti nuk i tremben aspak faktit që të udhëtojnë me djalin e tyre, i cili ka vetëm dy javë që ka bërë 1-vjeç.

Madje në tortën e ditëlindjes, ato kishin vënë edhe vendet që Nolan Sol kishte udhëtuar brenda 365 ditëve dhe ishin në total 13 shtete.