Ish-këngëtari i njohur Feronit Shabani, i njohur si Fero, ka shpallur se ka kurorëzuar dashurinë e tij në martesë. Ai e ka ndarë lajmin me ndjekësit e tij në rrjetet sociale, duke publikuar një foto nga ceremonia, ku ai dhe partnerja e tij shihen të sapomartuar, por pa zbuluar portretin e saj.

Fero ka shprehur gëzimin me një postim të thjeshtë, ku shkruan: “Të sapo martuar.”

Kjo është martesa e dytë për Fero, pas ndarjes nga modelja Arbenita Ismajli, me të cilën ka një vajzë të quajtur Nina. Fero kishte shpallur pak ditë më parë se ishte në prag të martesës, duke dhënë vetëm informacion se partnerja e tij është pjesë e besimit të njëjtë fetar.