Një 66-vjeçar është arrestuar nga policia e Fierit pasi përplasi me automjetin e tij një 64-vjeçar, i cili po lëvizte si këmbësor.

Sipas njoftimit të Specialistëve të Qarkullimit Rrugor, i ndaluari është shtetasi K.M., banues në Fier, ndërsa i lënduari është shtetasi E.Q., 64 vjeç, i cili ndodhet nën kujdesin e mjekëve.

Ngjarja ka ndodhur në lagjen “16 Prilli”, ku drejtuesi i automjetit ka përplasur këmbësorin, duke shkaktuar plagosjen e tij.

Materialet i kanë kaluar Prokurorisë, ndërsa policia po vijon hetimet për zbardhjen e plotë të rrethanave të aksidentit.