Këtë të mërkurë, disa media transmetuan lajmin që supozohej se vinte nga Corriere dello Sport, sipas të cilit Gianni Infantino do të rriste minutat e kompensimit për kohën e humbur gjatë ndërprerjeve që ndodhin gjatë ndeshjeve (nga 90 në 100 minuta) në Botërorin e ardhshëm.

Informacion që organi drejtues i futbollit e ka mohuar me vendosmëri mbrëmjen e djeshme, duke i konsideruar lajmet thashetheme.

“Pas disa artikujve dhe thashethemeve të publikuara sot, FIFA dëshiron të sqarojë se nuk do të ketë ndryshime në rregullat në lidhje me kohëzgjatjen e ndeshjeve të futbollit për Kupën e Botës FIFA 2022 ose ndonjë kompeticion tjetër ”, thuhet në deklaratën e FIFA-s.