Pas ditësh spekulimesh dhe thashethemesh, duket se ndarja mes këngëtares së njohur Filloreta Raçi, e njohur si Fifi, dhe bashkëshortit të saj Adis po merr formë më të qartë.

Çifti, i cili dikur ndante momente të lumtura dhe premtime dashurie të përjetshme në rrjetet sociale, tashmë duket se janë larguar në mënyrë të pakthyeshme.

Në profilin e saj në TikTok, Fifi ka bërë repost disa video me përmbajtje që flasin hapur për dhimbjen dhe zhgënjimin e një ndarjeje. Një prej tyre thotë:
“Do të doja të mos të të kisha takuar kurrë, do të doja të mos të të kisha pëlqyer kurrë, të mos kisha humbur kohë me ty.”

Këto sinjale kanë ndezur më shumë dyshimet e ndjekësve, të cilët e shohin si një konfirmim të heshtur për përfundimin e marrëdhënies së tyre. Megjithatë, Fifi ende nuk ka dalë me një prononcim zyrtar për situatën.

Fansat e saj nuk kanë munguar t’i shprehin mbështetjen e plotë në komentet nën postimet e saj, duke i uruar forcë për të kaluar këtë fazë dhe sukses në rrugën e karrierës dhe jetës personale.

Tani mbetet të shihet nëse këngëtarja do të vendosë të flasë hapur për këtë kapitull të ri në jetën e saj.