Tiranë – Policia ka finalizuar operacionin e koduar “Rezultati”, duke goditur një lokal në rrugën “Petro Nini Luarasi” ku zhvilloheshin lojëra fati me makineta dhe celularë.

Në kuadër të këtij operacioni u arrestuan në flagrancë tre shtetas: M.D., 21 vjeç, administrator i lokalit, dhe dy klientë, A.Z., 24 vjeç dhe Xh.Gj., 21 vjeç.

Gjatë kontrollit në lokal, policia sekuestroi 5 makineta, 4 celularë dhe 50,000 lekë para të gatshme, ndërsa dy të arrestuarit u kapën duke luajtur në ambient.

Operacioni u realizua nga Komisariati i Policisë Nr. 1, në bashkëpunim me Sektorin për Hetimin e Krimeve Kibernetike, bazuar në informacionet e inteligjencës policore për organizimin e kundërligjshëm të lojërave të fatit.

Materialet procedurale janë referuar Prokurorisë së Tiranës për veprime të mëtejshme ligjore.