Shtetet e Bashkuara – Jackpoti i dytë më i madh në historinë e Powerball u nda mes dy fituesve, nga Misuri dhe Teksas, duke u bërë një nga çmimet më të mëdha të lojërave të fatit në botë. Shuma totale arrin 1,787 miliardë dollarë.

Numrat fitues të shortit të së shtunës ishin 11, 23, 44, 61, 62 dhe Powerball-i i kuq 17. Identiteti i fituesve nuk u bë publik.

Ky short shënon xhirot e 42-ta nga fitorja e fundit më 31 maj, një rekord për serinë më të gjatë pa fitues në historinë e Powerball. Shanset për të fituar xhekpotin janë 1 në 292.2 milion, ndërsa shorti zhvillohet tre herë në javë.

Megjithëse shuma e 1,787 miliardë dollarëve është e jashtëzakonshme, ajo mbetet nën rekordin e të gjitha kohërave prej 2,04 miliardë dollarësh, i fituar në Kaliforni në nëntor 2022.

Biletat e Powerball shiten në 45 shtete të SHBA-së, në Distriktin e Kolumbias, Porto Riko dhe Ishujt Virgjër Amerikanë, me çmim prej 2 dollarësh për biletë.