Fituesi i edicionit të parë të “Ferma VIP”, Dijonis Biba, ka ndarë një foto prekëse një ditë më parë, duke vizituar varrin e nënës së tij, Marija, e cila është ndarë nga jeta dy vite më parë. Gjatë qëndrimit të tij në “Ferma VIP”, ai rrëfeu se kishte thyer rregullat e dënimit të tij në Angli për të qenë pranë nënës së tij në momentet e fundit të jetës.

Dijonisi ka përjetësuar kujtimin e nënës së tij në trup, duke i dedikuar një tatuazh me portretin e saj në kraharor. Pas fitores, ai shprehu mirënjohjen dhe dashurinë për nënën e tij me këto fjalë: “Çmimin e madh ia dedikoj nënës time që nuk e kam gjallë. Gjatë sfidës, vetëm imazhi i nënës time m’u shfaq para syve dhe më ka ndihmuar. U bë forca ime.”