Në Ostren të Dibrës u zhvillua turneu i Mundjes Tradicionale, ku sportisti i Teutës, Arjan Danaj, fitoi për herë të dytë radhazi. Fituesi, në vend të kupës tradicionale, mori një “dash” si çmim, duke vazhduar traditën e këtij eventi. Arjan Danaj fitoi në finale kundër Gramoz Kurtit dhe mori këtë çmim simbolik. Pas triumfit të tij, Teuta theksoi se kjo ishte hera e dytë që Danaj fitoi këtë kupë simbolike, pas triumfit të tij në vitin 2022.

E veçanta e kësaj gare, ashtu sipas traditës, fituesi mori në vend të kupës një dash.

“Mundësi i Teutës fiton Kupën dhe dashin. U zhvillua këtë fundjavë në Ostren, Kupa e Mundjes tradicionale të Gollobordës. Mundësi i Teutës, Arjan Danaj mori pjesë në këtë event dhe fitoi dashin, pasi mundi Gramoz Kurtin. Kjo është hera e dytë që Danaj fiton këtë kupë simbolike pas triumfit në vitin 2022”, thuhet në postimin e Teutës.