Fjolla Morina, e cila prej muajsh ka shqetësuar ndjekësit në rrjetet sociale duke akuzuar me emra, që sipas saj janë kokat e krimit të organizuar e vrasës, është shtruar në spital.

Fjolla u shtrua mbrëmjen e djeshme. Nuk dihet se me kë po qëndron vajza e saj e vogël, tashmë që Fjolla është në spital.

Ndërsa që nga dita e djeshme, ajo s’ka postuar asgjë në ‘Instagram’, duke vërtetuar lajmin se ndodhet e shtruar.

Fjolla është parë në një gjendje të rënduar emocionale, teksa shpesh ka hyrë edhe “live” në Instagram dhe ka bërë akuza kundrejt kolegëve të saj. Ishte vetë nëna e këngëtares e cila reagoi duke u shprehur se Fjolla ka probleme psiqike prandaj edhe po vepron në këtë mënyrë.

Fjolla gjithashtu ka tronditur me deklaratën e saj për Vis Martinaj. Ajo pretendon se e di kush është personi që fshihet pas zhdukjes së Martinajt dhe akuzon shtetasin D.K nga Shijaku.

Pikërisht këto postime të saj janë zhdukur nga faqja në Instagram, duke shtuar dyshimet se dikush ka marrë në dorë dhe rrjetet sociale të këngëtares.