Godina historike e ‘Bar Lulishte Butrinti’ në qendër të Sarandës është përfshirë nga flakët paraditen e sotme. Aktualisht kjo godinë administrohet si pronë nga bashkia, por ka pretendime për pronësinë edhe nga familja mbretërore.

Prej vitesh, godina nuk është funksionale.

Flakët kanë përfshirë edhe një godinë tjetër ku ishin disa biznese.

Në ndërkohë, nga flakët është dëmtuar edhe një pishë e vjetër. Zjarrfikësit po përpiqen të shpëtojnë nga flakët një pemë që quhet pema e Piperit të Naimit, një pemë që është gati 150 vjeçare dhe ndodhet përbri bar lulishtes. Pema është mbjellë nga duart e shkrimtarit rilindas Naim Frashëri rreth viteve 1874-76.

Dy zjarrfikës të bashkisë së Finiqit janë shkuar në ndihmë të atyre të Sarandës për të shuar flakët që kanë përfshirë “Bar Lulishte Butrintin” dhe rrezikojnë pemën e njohur si pema e piperit e Naimit, e cila është mbjellë mbi 150 vjet më parë.