Shqipëria sot shënon 113 vjetorin e Pavarësisë dhe atmosfera festive është përqendruar në qytetin simbol, Vlorë. Në sheshin e “Flamurit” është zhvilluar ceremonia zyrtare e ngritjes së flamurit, ku të pranishëm ishin krerët më të lartë të shtetit shqiptar dhe përfaqësues të Kosovës.

Presidenti i Republikës së Shqipërisë, Bajram Begaj, kryeparlamentari Niko Peleshi, kryebashkiakja e Vlorës Bruna Mersini dhe ministri i Mbrojtjes Pirro Vengu morën pjesë në aktivitetin solemn. Ceremoninë e nderoi me praninë e saj edhe presidentja e Kosovës, Vjosa Osmani, e cila iu bashkua festimeve në qytetin ku lindi Pavarësia.

Me ngritjen e flamurit kuqezi, nderimet, emocionet dhe thirrjet “Rroftë Shqipëria!” përshkuan sheshin historik, duke e kthyer Vlorën sërish në epiqendrën e krenarisë kombëtare.