TIRANË – Flauers Shoshi është emëruar drejtor i ri i Ujësjellës-Kanalizimeve Tiranë (UKT), duke marrë detyrën pas Skerdi Drenovës. Shoshi, i cili më parë ka udhëhequr Agjencinë Kombëtare të Ujësjellës-Kanalizimeve, pritet të sjellë përvojën e tij në menaxhimin e shërbimeve kryesore të ujit dhe kanalizimeve në kryeqytet.

Burimet nga brenda institucionit bëjnë me dije se emërimi synon forcimin e menaxhimit dhe efikasitetit të shërbimeve ndaj qytetarëve, ndërsa pritshmëritë janë që Shoshi të nisë menjëherë disa reforma të brendshme dhe projekte të reja infrastrukturore.

Ky ndryshim në drejtim vjen në një periudhë kur UKT ka përpara sfida të rëndësishme, përfshirë mirëmbajtjen e rrjetit ekzistues dhe garantimin e furnizimit të pandërprerë me ujë për qytetarët e Tiranës.