Pas polemikave në rrjetet sociale për deklaratën e saj se “flet dy gjuhë, kosovare dhe shqipe”, Miss Grand Kosova, Brikena Selmani, ka zgjedhur të reagojë me humor dhe vetëironi.
Në një video të publikuar së fundmi, ajo iu drejtua ndjekësve me mesazhin e saj tipik, duke qartësuar deklaratën që u bë virale:
“Përshëndetje për krejt shqiptarët anë e mbanë botës. Edhe po du me iu thënë se më vjen keq, po unë nuk i di katër gjuhë, por gjashtë – prishtinaliken, prizrenaliken, shqipen, kosovaren…”, tha ajo me një ton ironik që shkaktoi të qeshura mes fansave.
Reagimi i saj është pritur me pozitivitet, teksa komentet vlerësuan stilin relaksues dhe karizmatik me të cilin Brikena përballoi situatën. Ajo tregoi se nuk e merr gjithçka shumë seriozisht dhe se di si ta kthejë kritikën në batutë, duke krijuar një lidhje të ngrohtë me publikun dhe duke përdorur humorin si mjet për të zbutur polemikat.
