Flutura Açka ka dhënë dorëheqjen nga Komisioni Parlamentar i Edukimit dhe Mjeteve të Informimit Publik.

Deputetja demokrate e ka bërë të ditur këtë vendim përpara komisionit teksa është në pritje të miratimit të dorëheqjes.

Në fjalën e saj Açka e cilësoi si fyerje qëndrimin e saj në një komision me njerëz që nuk kanë minimumin e të qënit njerëzor. Ajo bën me dije se i ka kërkuar zotit Basha, në cilësinë e kryetarit të PD, miratimin e dorëheqjes, e cila ende nuk është miratuar prej tij.

“Të jem e sinqertë ndjej jo vetëm fyerje të kësaj natyre, në lidhje me punën, por edhe çështje etike me ju. Unë i kam kërkuar kryetarit të partisë time dorëheqjen nga ky Komision, sepse kam turp me njerëz të cilën nuk kanë minimum njerëzor. Dorëheqja nuk më është aprovuar dhe jam duke pritur”, ka thënë Açka.

Ndërkohë më herët ka dhënë dorëheqjen nga ky komision edhe nënkryetari socialist Petro Koçi.