Deputetja e Partisë Demokratike, Flutura Açka ka mbajtur një fjalim në foltoren e kuvendit ku ka folur lidhur me qasjen e deputetëve dhe ministrave të mazhorancës kundrejt kuvendit.

Ajo tha se përkundër asaj që ndodhte në Europë, ministrat dhe deputetët e mazhorancës në kuvendin shqiptar dilnin në foltore vetëm për të thënë broçkulla.

Ndërsa bëri thirrje publike ndaj kreut të SPAK, Arben Kraja duke i kërkuar këtij të fundit që të bënte arrestime të “peshqve të mëdhenj” në mënyrë që të mbahet mend për mirë nga qytetarët shqiptarë.

Flutura Açka: Europa është fjala që kam dëgjuar më shpesh në këtë foltore. Për fat të mirë këto dy muajt e fundit e kemi përdorur edhe më shpesh. Por në fakt me festën e pamë që gëzimi është vetëm një stoli e ftohtë e jona. Çfarë bëni gjithë kohën në Parlament? Shani gjithë kohën opozitën. Opozita është aty për të kërkuar llogari. Çfarë lidhje kemi me Evropën? Shikojeni Parlamentin tonë si rreshtohen ministrat, u hapet goja, bezdisen, kruajnë mjekrën, në një moment zgjohen kur vjen kryeministri dhe i fut një të sharë opozitës. Atëherë duartrokitet fort. Fjala më e rëndësishme është të shahet opozita, që në fakt është për të kërkuar llogari. Në parlamentet europiane vijnë ministrat që kanë lidhje me rendin e ditës, jo të gjithë, si matrioshkat, siç vijnë këtu. Renditen këtu dhe dalin secili dhe u marrin nga 10 minuta deputetëve për të thënë broçkulla.

Një shtetar ka përgjegjësinë e parë të kuptojë realitetin, sepse pushteti iu ka shkëputur nga realiteti. Distanca e shërbimit ndaj qytetarit iu mungon.

Më bën përshtypje sjellja institucionale. Më duket sikur jemi në një klub fshati. E kuptoj që familjarizimi i madh me pushtetin e ka bërë shtetin si shtëpinë tuaj, por sjellja institucionale është e përcaktuar në të gjithë Europën.

E vura re kur bëtë paraqitjen e portit të Durrësit me dubaistët. Ministrja iu drejtua kolegeve të saj edhe me emër të përveçëm. Institucionalisht nuk qëndron, a thua se po u po u jepte ndonjë copë dhe u thoshte “ka edhe për ty zonjë, ka edhe për ty zonjë. Nuk e di çfarë bën opozita 1, 2, 3, 4. Drejtori i SASPAC-ut bëhet menaxher i IPA-s. Thonë që e bënë shkrirjen për të mos humbur kohë. Unë i bëj thirrje publike drejtorit të SPAK-ut os të merret me me cironka por të zërë ndonjë peshk të madh që kur ta lërë atë punë të kujtohet për dicka të mrië nga SPAK-u. E bëj seriozisht këtë kërkesë.