Forcat ruse kanë vazhduar të bombardojnë qytetin verilindor të Kharkiv dhe rajonin, tha të shtunën një guvernator ushtarak ukrainas.

“Okupatorët rusë vazhdojnë të gjuajnë mbi infrastrukturën civile të Kharkiv dhe rajonit”, tha Oleh Syniehubov, kreu i administratës ushtarake rajonale të Kharkiv. “Gjatë ditës, pushtuesit shkaktuan 56 goditje, si rezultat – 19 të plagosur, dy persona vdiqën.”

Civilët në Kharkiv kanë duruar granatime të rënda për ditë të tëra.
Forcat ruse vazhduan të mbanin linja mbrojtëse rreth Izium dhe pretenduan se forcat ukrainase kishin kryer një kundërsulm të suksesshëm për të rimarrë vendbanimet e Bezruky, Slatino dhe Prudianka dhe në afërsi të Derhachi, shtoi Syniehubov. CNN nuk mundi të verifikonte në mënyrë të pavarur këto pretendime.

Guvernatori ushtarak njoftoi se një shtetrrethimi në rajon do të jetë në fuqi nga ora 19:00 deri në orën 5 të mëngjesit me orën lokale.