Kryeministri i Kosovës, Albin Kurti, dhe presidenti serb Aleksandër Vuçiç do të marre pjesë në Forumin Ekonomik Botëror në Davos. Zëdhënësi i BE-së, Peter Stano, ka bërë të ditur se nuk është paraparë një takim zyrtar mes tyre gjatë këtij forumi. Megjithatë, agjenda e plotë e Kryeministrit Kurti për këtë ngjarje ekonomike ndërkombëtare ende nuk është përcaktuar. Mbledhja e Forumit Ekonomik Botëror në Davos pritet të fillojë më 15 janar dhe të zgjasë për 4 ditë, me moton “Rindërtimi i besimit”.
“Kryeministri Kurti javën e ardhshme do të marrë pjesë në Forumin Ekonomik Botëror në Davos të Zvicrës, sa i përket agjendës së kryeministrit atje, ende nuk është përfundimtare, kështu që do të njoftoheni me kohë për takimet që do të mbahen në margjinat e forumit”, thuhet në deklaratën e kryeministrisë së Kosovës.
