Kryeministri i Shqipërisë, Edi Rama do të takohet sot dhe nesër në Shkup me Presidentin e Serbisë, Aleksandar Vuçiç dhe Zaevin e Maqedonisë së Veriut në kuadër të Forumit Ekonomik për Bashkëpunimin Rajonal.

Mediat në Maqedoninë e Veriut raportojnë se liderët pritet të marrin pjesë në Forumin Ekonomik për Bashkëpunim Rajonal të organizuar nga Odat Ekonomike të Republikës së Serbisë, Republikës së Maqedonisë së Veriut dhe Republikës së Shqipërisë.

Po ashtu thuhet se bisedimet pritet të përqendrohen edhe në iniciativën e “Shengenit Rajonal”. Vetëm një javë më parë Rama, Vuçiç dhe Zaev zhvilluan një takim online në kuadër të përgatitjeve të këtij Forumi.