Një aksident i rëndë në Hungari ka sjellë tragjedi për një familje nga Kosova, duke rezultuar në humbjen e jetës së dy të rinjve. Kushtrim Hoxha, 28 vjeç nga Prizreni, dhe bashkëshorti i motrës së tij, Jetmir Rexhepi, rreth 30 vjeç, kanë humbur jetën në këtë ngjarje të trishtë. Të dy viktimat ishin në udhëtim nga Gjermania drejt vendlindjes në Kosovë.

Viktimat kishin komunikuar me familjarët vetëm disa minuta para aksidentit, dhe xhaxhai i njërit prej tyre tregoi se 28-vjeçari Kushtrimi i kishte lënë një mesazh duke thënë: “Mos flini, se unë po arrij.” Pas aksidentit, Kushtrimi u dërgua me urgjencë në spital, por, nën plagët e rënda, nuk ka mundur të mbijetojë. Ndërkohë, Jetmiri ka humbur jetën pasi trupi i tij u djeg nga flakët pas përplasjes së mjetit.

Viktimat lane pas tyre fëmijët e vegjël; Kushtrimi la pas një vajzë vetëm 4-muajshe, ndërsa Jetmiri një djalë 1-vjeçar. Familjarët e tyre ende nuk kanë informacione të qarta mbi rrethanat e aksidentit, dhe kjo ngjarje ka shokuar komunitetin e tyre. Tragjedia e ndodhur ka lënë pas një vuajtje të madhe dhe trishtim në familjet e tyre dhe në shoqërinë ku ata ishin të njohur.