Dritan Nano, 58 vjeç, i cili sipas grupit hetimor është organizatori dhe porositësi i dhunës barbare ndaj avokatit Sokol Mëngjesi mëngjesin e djeshëm tek zona e Ish Bllokut në Tiranë.

Dritan Nano ishte klient i studios ligjore “ALTERUM SHPK” të Sokol Mëngjesit dhe ishte një prej 8 trashëgimtarëve të pronës në digën e Liqenit ku janë ndërtuar kullat nga biznesmeni Bashkim Ulaj.

Ai, së bashku me trashëgimtarët e tjerë, ka fituar gjyqin deri në apel të asistuar nga avokati Mëngjesi, por më pas ai vetëm ka refuzuar të paguajë detyrimet sipas kontratës. Për këtë, avokati ka hapur gjyq ndaj Nanos, proces që e ka fituar dhe përmbarimi ka bllokuar pronën, duke mos e lejuar që të vijojë shitja. Një muaj më parë, të dyja palët kanë pasur një takim, por nuk kanë gjetur dakordësi. I gjendur në këtë situatë, dyshohet se Nano ka angazhuar lidhjet e tij shoqërore dhe në fund ka zgjedhur dhunën.

Grupi hetimor beson se Nano është organizatori kryesor i sulmit, ndërsa ai vetë e mohon përfshirjen e tij në ngjarje.