Vetëm një muaj më parë, më 12 tetor 2025, oborri mbretëror bëri të ditur zyrtarisht fejesën mes Princ Lekës dhe Blerta Celibashit. Ceremonia u zhvillua në Ksamil, në jug të Shqipërisë, më 11 tetor, në prani të familjarëve dhe miqve më të afërt të çiftit.

Ndërsa në atë kohë festa u mbajt private dhe me pak pamje publike, së fundmi në rrjetet sociale po qarkullon një videoklip i çiftit mbretëror, duke zbuluar më shumë detaje nga ceremonia luksoze dhe emocionet e momentit.

Fejesa e Princ Lekës me Blerta Celibashin erdhi pas divorcit të tij të bujshëm me aktoren Elia Zaharia. Vetë Lekë ka treguar se ndarja e tij nga Elia kaloi në disa faza: fillimisht ajo emocionale, më pas distancimi dhe më në fund divorci ligjor. Ai ka sqaruar se gjatë kësaj periudhe, ata jetonin në të njëjtën shtëpi, por ishin të distancuar, ndërsa fotot familjare të publikuara shpesh ishin të falsifikuara për mediat.

“Kemi pasur një raport korrekt. Ndarja ka ardhur me faza të ndryshme – ajo emocionale, distancimi. Kam qëndruar vetëm me vajzën, por nuk kishim kontakt fizik. Herë pas here shfaqeshim për mediat, një kartolinë e bukur, por krejtësisht falso. Ka qenë faza ligjore,” tha Princ Leka, gjatë një interviste në emisionin “Mirëmbrëma Yje”.