Një fëmijë dy vjeç në Gjilan, Kosovë, ka shpëtuar falë një ndërhyrjeje të suksesshme mjekësore, pasi kishte gëlltitur një bateri të telekomandës.

Lajmin e ka bërë të ditur mjeku gastroenterolog Besnik Elezi, i cili kreu procedurën për nxjerrjen e baterisë nga stomaku i vogëlushit. Ai ka ndarë në rrjetet sociale edhe fotografi që tregojnë baterinë brenda trupit të fëmijës dhe pas largimit të saj.

🔹 Rreziku i baterive
Gëlltitja e baterive mund të jetë tepër e rrezikshme, pasi gjatë kontaktit me lëngjet e stomakut, ato krijojnë një qark të shkurtër, duke çliruar kimikate alkaline që dëmtojnë rëndë indet.

Mjekët bëjnë thirrje për kujdes të shtuar me sendet e vogla në shtëpi, veçanërisht ato që mund të jenë të arritshme nga fëmijët.