Një aksident i rëndë ka ndodhur sot në Elbasan ku një person ka humbur jetën ndërsa 3 të tjerë kanë mbetur të plagosur.

Sipas informacioneve, aksudenti ka ndodhur në Qafë Mollë në fshatin Samurr të Njësisē Administrative Labinot Fushë , 20 km larg qytetit te Elbasanit. Makina ka dal nga rruga dhe ka përfunduar në një humnerë.
Ende nuk dihen shkaqet e aksidentit të rëndë. Policia dhe ambulanca ndodhen në vendin e ngjarjes.
Besnik Samurri është viktima e aksidentit të rëndë të ndodhur sot në Elbasan ku një makinë doli nga rruga dhe përfundoi në humnerë.

Ndërkohë të plagosur kanë mbetur Misir Maloku, gruaja dhe djali i tij, të cilët ndodhen jashtë rrezikut për jetën .
Njoftimi i policise:

Elbasan/Informacion paraprak

Më datë 20.12.2022, rreth orës 9:15, në aksin rrugor Samurr-Qafë Mollë, shtetasi B. S., duke drejtuar automjetin tip “Benz”, dyshohet se ka humbur kontrollin dhe për pasojë automjeti ka dalë nga rruga.

Si pasojë, ka humbur jetën drejtuesi i automjetit, shtetasi B. S., 38 vjeç, si dhe janë dëmtuar 3 pasagjerët, shtetasit M. M., F. M. dhe B. M., të cilët u dërguan në spital, për të marrë ndihmë mjekësore.

Grupi hetimor ndodhet në vendngjarje dhe po punon për zbardhjen e shkakut të aksidentit.