Një çift amerikan që kishte ardhur në Shqipëri për të shijuar pushimet ka përjetuar një tragjedi të pabesueshme. Gruaja e çiftit, e cila po shfaqej e lumtur në fotot e postuara nga udhëtimi i tyre, humbi jetën tragjikisht, dyshohet se u vra nga bashkëjetuesi i saj, 57-vjeçari amerikan Brandon Saporito.

Saporito është shoqëruar në spital për ndihmë mjekësore pasi dyshohet se ishte në gjendje të dehur dhe kishte pësuar dëmtime të lehta në duar nga mjetet prerëse. Momentet e lumtura të çiftit, të cilat ishin pasqyruar në foto, janë shndërruar në kujtime të dhimbshme dhe një përkujtim të një fundi tragjik që mori jetën e një gruaje, duke lënë pas një histori dhimbjeje.

Grupi hetimor, në bashkëpunim me Prokurorinë, po punon për zbardhjen e rrethanave dhe për dokumentimin e këtij rasti tragjik.