Ish-kryeministri Sali Berisha ka mbledhur mbrëmjen e sotme Kryesinë e tij ku do të diskutohet në lidhje me emrat me të cilët do të kandidohet në zgjedhjet lokale të 14 majit.

Berisha ka bërë me dije miratimin e listës për kandidatët e këshillave bashkiakë në kuadër të zgjedhjeve lokale të 14 majit. Përsa i përket koalicionit Meta-Berisha, ish kryeministri tha se Partisë së Lirisë do i lihen 240 pozicione kandidimi, PBDNJ 20 pozicione kandidimi dhe për Partinë Demokristiane 6 pozicione kandidimi në listën e koalicionit.

Berisha:

Po vjen afati i dorëzimit të listave të këshilltarëve. Fushata vijon me intensitet në të katër anët e vendit. Ekziston një optimizëm i madh. Kundërshtari ynë përdori gjatë fushatës edhe arrestime të kryebashkiakëve të vet që t’i disiplinojë. Kjo e jona kontraston si dita me natën me transparencën e frymën e bashkimit. Demokratët të vendosur të mos mashtrohen e të vijojnë kontributin në PD, të mos ndjekim dy pengje të diskretituar të mbajtur peng me lidhje krimi nga Edi Rama. Për lidhjet e tyre të krimit janë të larguar nga PD, nuk e kemi në Statut por është e kuptueshme. kushdo që del jashtë standardeve e humbet automatikisht këtë të drejtë. Të dy, Basha me dosjen e mbyllur nga Rama, Alibeaj me probleme të thellë e serioze që nuk i ka deklaruar, po mbahen peng e keqpërdoren në mënyrë ekstreme nga Rama. Rruga e vetme për të sjellë shpresën është ndryshimi. Mbledhja është thirrur për të formalizuar listat e dërguara nga degët për këshilltarë në 61 bashkitë e vendit. Kanë qenë gjithsej 5 mijë kandidatura.
Ka një kufizim në listat që do jenë të përbashkëta me Partinë e Lirisë. Në koalicion është bërë e qartë që është marrë për bazë mesatarja elektorale”, tha Berisha. Propozimet janë të shkëlqyera. Shpallja e listave të tyre është nxitje e madhe për fushatën tonë. Listat janë negociuar me aleatët dhe u ra dakord që, Partia e Lirisë, të marrë 240 pozicione , Paria PBDNJ 20 pozicione, PDK 6 pozicione. pjesa tjetër i takon PD-së.