Pas kaosit në seancën plenare, deputeti Gazment Bardhi akuzoi Gardën e Republikës për tentativë për të lënë jashtë deputetët e opozitës me urdhër të Kryeministrit Edi Rama.
Bardhi shpreh përbuzjen e tij për pamundësinë e deputetëve të opozitës për të hyrë në Kuvend dhe tha se është e paimagjinueshme që në një vend anëtar të NATO-s deputetët të shqyhen nga këmisha dhe kostumi për të hyrë në salla seance.
Ai pohoi se do të marrë pjesë në protestën e thirrur nga Rithemelimi dhe shprehu përkushtimin për të përballuar regjimin e Edi Ramës.
Sot në Kuvend kishte ardhur bashkëpunëtori i Arben Ahmetajt. Me një urdhër të paligjshëm deputetët e opozitës u penguan të futen në sallën e seancës plenare. Garda e Republikës me urdhër personal të Ramës tentoi të lërë jashtë deputetët e opozitës. Vetëm në vende me regjime autoritare ndodh që deputetët e opozitës nuk lejohen që të futen në Kuvend.
Është e paimagjinueshme për një vend anëtar të NATO-s që deputetët duhet të shqyhen nga këmisha dhe kostumi që të futen në sallat e seancës plenare. As garda e republikës as policia që dhunon qytetarët nuk e ndal opozitën nga përballja me regjimin e Edi Ramës. Do ti bashkohem çdo lloj proteste kundër Edi Ramës.’- tha Bardhi.
