Gazment Bardhi nga protesta e opozitës dha mesazhin se nuk do të dorëzohen edhe pse lufta është e pabarabartë.

Sipas Bardhit, Rama ka dështuar, ndërsa u shpreh se opozita u bashkua si e vetmja mundësi për tu përballur me të keqen.

Bardhi u shpreh se “në njërën anë jeni ju që doni ndryshimin, përballë nesh qëndron Rama në botën e tij që mbjell vetëm korrupsion, krim dhe shpopullim”

“Sot në këtë shesh liria ka emrin e secilit prej jush. Ne jemi sot këtu për të thënë se nuk dorëzohemi! Se nuk e falim lirinë tonë! Se refuzojmë një demokraci fasadë!

Ne duam një qeveri që punon për të pasuruar shqiptarët dhe jo pushtetarët! Duam një qeveri të përkushtuar ndaj rinisë, jo të lidhur kokë e këmbë me krimin dhe oligarkët, që kanë zhdukur ekonominë e lirë, sipërmarrrjen e ndershme, që sjell zhvillim të vërtetë!