Gëzim Çela, njohur si “baroni” i drogës, është arrestuar në Kosovë për akuzat e trafikut të drogës dhe përfshirjes në një grup kriminal. Operacioni i kryer më 9 tetor shtrihej në disa qytete shqiptare, përfshirë Tiranën, Krujën, Durrësin, Vlorën dhe Kurbinin.

Në operacion u arrestua edhe Dritan Meta, shefi i komisariatit të Kurbinit. Ky operacion është vijimësi e megaoperacionit të quajtur “Flakë në det”, i cili solli arrestimin e 6 personave më herët.

Gëzim Çela është një person i njohur për autoritetet dhe ka qenë i dënuar më parë për shfrytëzim të prostitucionit. Ai akuzohet për përdorimin e vilës së tij në Fushë Kuqe për trafik droge, ku policia ka gjetur 18 kilogramë kokainë.

Gëzim Çela ishte një prej personave të përfshirë në një operacion të kryer në qershorin e vitit 2014 nga policia shqiptare dhe ajo kosovare, i cili shkatërroi një grup të strukturuar kriminal që trafikonte drogë të forta nga Turqia drejt Europës Perëndimore, duke përdorur edhe territorin e Shqipërisë.