Një ngjarje e rëndë ka ndodhur mëngjesin e kësaj të mërkure në Kamëz, ku ne ambientet e një hoteli është gjetur trupi i pajetë i një shtetasi italian.
Bëhet fjalë për shtetasin italian me inicialet A. S., 71 vjeç, i cili sipas policisë dyshohet se ka humbur jetën si pasojë e një arresti kardiak, dhe nuk janë konstatuar shenja dhune.
Njoftimi i policisë:
Me datë 08.12.2021, në një hotel në Kamzë, nga shërbimet e hotelit, është gjetur në dhomë pa shenja jete, shtetasi italian A. S., 71 vjeç.
Nga kqyrja paraprake nuk janë konstatuar shenja dhune.
Grupi hetimor ndodhet në vendngjarje dhe po punon për sqarimin e rrethanave të ngjarjes. Paraprakisht dyshohet për arrest kardiak.
