Një person është gjetur pa shenja jete në rrugën “Mustafa Lita”, në Tiranë mbrëmjen e sotme. Shtetasi me inicialet L.L ishte shpallur në kërkim ditën e sotme pasi ishte larguar nga banesa e tij.

Sipas informacioneve të publikuara në njoftimin zyrtar të policisë, viktima ishte pa shenja dhune dhe mendohet se vdekja kishte ardhur në mënyrë natyrale.

Njoftimi i Plotë:

Tiranë/Informacion paraprak

Më datë 11.02.2022, në rrugën “Mustafa Lita”, në rrugë, është gjetur nga kalimtarët, pa shenja jete, shtetasi L. L., i cili sot është shpallur në kërkim për largim nga banesa.

Nga këqyrja paraprake nuk janë konstatuar shenja dhune dhe dyshohet se vdekja ka ardhur nga shkaqe natyrale.

Grupi hetimor ndodhet në vendngjarje dhe po punon për sqarimin e rrethanava të ngjarjes.