Një makinë e djegur është gjetur pranë Rinasit pas atentatit në Lezhë, ku humbi jetën Eno Nikulaj. Dyshohet se mjeti është përdorur nga autorët për të kryer vrasjen, dhe ka dyshime se mund të jetë i vjedhur, duke përfshirë edhe targat e vjedhura. Autoritetet po vazhdojnë hetimet për të zbardhur lidhjet e mundshme dhe për të përcaktuar prejardhjen e mjetit të përdorur në ngjarje.

Sipas informacioneve të policisë autorët janë larguar nga vendngjarja me një automjet tip “BMW” ngjyrë gri me targa të vjedhura.

Ngjarja e rëndë që tronditi qytetarët e Lezhës mbrëmjen e sotme, duket ka lidhje me sagën e hakmarrjes mes fiseve Nikulaj-Lekstakaj.

Kjo vrasje vjen pas asaj të ndodhur më 19 korrik të po këtij viti, ku mbeti i vrarë 42-vjeçari Nikolin Marku Lekstakaj i cili u ekzekutua me breshëri automatiku në fshatin Balldre ku sapo kishte dalë për të blerë një pije freskuese.