Një 34 vjeçar me inicialet I.N është gjetur i pajetë në Fushë-Krujë mëngjesin e sotëm. Trupi i tij i pajetë është gjetur në një rrugë dytësorte dhe është vënë re se ka pasur dy plagë të shkaktuara nga arma e zjarrit në të dy këmbët.
Dyshohet se 34 vjeçari ka humbur jetë për shkak të plagëve, ndërkohë vijojnë hetimet zbardhjen e rrethanave të plota të ngjarjes.
Njoftimi i Plotë:
Fushë Krujë/Informacion paraprak
Rreth orës 08:20, në lagjen “Bakishe Visha”, Fushë Krujë, në një rrugë dytësore është gjetur i pajetë shtetasi I. N., 34 vjeç, banues ne fshatin Hasan, Krujë.
Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes
