Një trup i pajetë është gjendur anash Vjosës mbrëmjen e djeshme, më 12 maj. Personi, 70-vjeçar, është gjetur pa shenja jete në një kasolle në afërsi të “Urës së Mifolit” në fshatin Fitote, Novoselë.

Policia e Vlorës njofton se paraprakisht dyshohet se vdekja ka ndodhur për shkaqe natyrale. Trupi u zbulua nga banorët e zonës dhe më pas u njoftua policia, e cila ka bërë verifikimin e vendit.

“Mbrëmjen e djeshme, në fshatin Fitote, Novoselë, në një kasolle në afërsi të “Urës së Mifolit”, është gjetur pa shenja jete shtetasi R. T., rreth 70 vjeç, i cili dyshohet paraprakisht se ka ndërruar jetë për shkaqe natyrale”, njofton policia.

Ngjarja ka ndodhur në një zonë ku peshkojnë peshkatarët. Grupi hetimor vijon punën për zbardhjen e plotë të rrethanave të ngjarjes.