Kandidati për deputet i Koalicionit Euroatlantik në qarkun e Vlorës, Gjergji Nika, ka dalë me një qëndrim të fortë publik, duke akuzuar hapur figurat kryesore të Partisë Socialiste për tradhti ndaj interesave të qytetarëve të Orikumit, Rradhimës, Tragjasit dhe Dukatit.
Në një komunikim të drejtpërdrejtë me qytetarët, Nika solli në vëmendje tri raste të rënda abuzimi dhe mashtrimi, duke përmendur me emra përgjegjësit:
• Vullnet Sinaj, deputeti aktual, i cili sipas Nikës, votoi në parlament për marrjen e ujit të 33 fshatrave të Lumit të Vlorës për t’ua dhënë oligarkëve.
• Endri Hyseni, kandidati për deputet, që miratoi dhënien e 840 hektarëve tokë në Kaninë për instalimin e paneleve fotovoltaike, pavarësisht kundërshtimit të pronarëve dhe banorëve të zonës.
• Damian Gjiknuri, ish-ministër dhe deputet, i cili në vitin 2018 premtoi zgjidhjen e problemeve të energjisë në zonë, premtim që pas shtatë vitesh, sipas Nikës, ka rezultuar i pabesë, ndërkohë që mungesa e energjisë vazhdon të dëmtojë edhe sot zonën turistike.
Sipas kandidatit të Koalicionit Euroatlantik, këto janë shembuj të qartë të një modeli keqqeverisjeje dhe mashtrimi, të cilin ai i bën thirrje qytetarëve ta ndëshkojnë me votë më 11 maj.
Në mesazhin e tij, Nika shkruan:
“Të nderuar qytetarë të Orikumit, Rradhimës, Tragjasit dhe Dukatit! Çdo ditë zbulohet një tjetër gënjeshtër. Është koha t’u japim fund pasigurisë, të çlirojmë ekonominë dhe të rikthejmë besimin te qytetarët! Voto Nr. 4 – Koalicioni Euroatlantik!”
