Berlin, 18 Shkurt 2025 – Autoritetet gjermane kanë shtuar masat e kontrollit në kufi, duke ndaluar dhe kthyer emigrantët e paligjshëm në vendet nga vijnë.

Mediat gjermane raportojnë se katër shtetas shqiptarë janë ndaluar në pikën kufitare të Reitzenhain, teksa udhëtonin me një automjet nga Çekia drejt Gjermanisë.

Megjithëse të gjithë kishin pasaporta biometrike të vlefshme, tre prej tyre kishin ndalim hyrjeje në BE, ndërsa shoferi dyshohet për trafik emigrantësh.

Pas përfundimit të procedurave të kontrollit, autoritetet gjermane i kthyen mbrapsht në Republikën Çeke, duke vijuar politikat e ashpërsuara për menaxhimin e emigracionit.