Banori i Big Brother VIP Albania, Gjesti, ka bërë një deklaratë të fortë lidhur me përvojën e tij në Big Brother VIP Kosova, duke sugjeruar se eliminimi i tij nuk ishte i drejtë.

Në një bisedë me Rozana Radin, ajo e pyeti pse nuk e kishte fituar BBVK, dhe Gjesti u përgjigj shkurt: “U kon hile.” Kur Rozana insistoi për më shumë detaje, ai shtoi:

“Jo mendon, a don me ta kallxu pse? Jo mendon! Mos më shti tash me fol. Kur të dal jashtë, të tregoj.”

Gjesti la të kuptohet se ka informacione të rëndësishme për mënyrën se si funksionoi spektakli, por nuk mund të flasë për shkak të kontratave që mund të ketë firmosur. Me një gjest të dorës, ai i bëri me shenjë Rozanës se nuk është momenti i duhur për të zbuluar më shumë detaje.

Kujtojmë se pas 82 ditësh në BBVK, ai u eliminua në një nominim me Drilon Ramën, i cili më vonë u shpall fitues i spektaklit. Vetëm 24 orë pas daljes, Gjesti iu bashkua Big Brother VIP Albania, duke bërë një lëvizje surprizuese në botën e reality show-ve.