Rozana Radi u shpall finalistja e parë e këtij edicioni të Big Brother gjatë spektaklit të së shtunës. Në një vendim surprizë, asaj iu dha mundësia të çonte edhe dy banorë të tjerë në finale, dhe ajo zgjodhi Egli Takon dhe Laert Vasilin.
Menjëherë pas Prime-it, atmosfera në shtëpi u tensionua. Gjestit, këngëtari nga Peja, u shfaq i zhgënjyer dhe emocional, duke paralajmëruar largimin e tij nga loja të martën.
“Po të tregoj, dini njerëz që është duke më mbaruar kulaçi, njëjtë. Mbani në mend njerëz. Po më vjen me qajt. Unë do ta lë lojën të martën, mbani në mend. Më nuk duroj asgjë”, u shpreh ai.
Në bisedën me Danjën dhe Eglin, Gjestit lëshoi akuza të forta për padrejtësi dhe vendime të papritura brenda shtëpisë, duke shtuar:
“E kam një parandjenjë që është duke më mbaruar kulaçi keq. Jo babë, e kam dhënë shpirtin pas kësaj loje, do ta ndez gjithë vendin. Katër veta me zarf të zi, çfarë ka bërë Rozana Radi këtu? Kë e ka larguar? Askënd. Jo, nuk ka padrejtësi… Keni me pa.”
Në prag të finales, tensioni në shtëpi është rritur ndjeshëm dhe mbetet të shihet nëse Gjestit do ta mbajë fjalën dhe do të largohet, apo do të jetë një tjetër kthesë dramatike në këtë rrugëtim që po shkon drejt fundit.
