Propozimin e opozitës për përfshirjen e ndërkombëtarëve në procesin e zgjedhjes së Presidentit të ri, sekretari i përgjithshëm i PS-së Damian Gjiknuri e ka quajtur të pavend.

Si pjesë e mazhorancës ai tha se janë bërë thirrje për dialog ndaj PD dhe se Presidenti i Republikës nuk zgjidhet kurrsesi me ultimatum.

Damian Gjiknuri bashkëbisedim me gazetarët te selia e PS-së:

Kemi disa risi sic është mundësia që për herë të parë të eksperimentojmë, drejtimi i partive vendore nga një burrë dhe grua, dy kryetare. PS ka hyrë në një proces riorganizimi, për tu rivitalizuar sepse një forcë që qëndron gjatë në pushtet, duhet të rigjenerohet nga brenda në mënyrë që të jetë gjithmonë competitive, pavarësisht kampit opozitar.

-Negociatat me ultimatum nuk kanë funksionuar me ne dhe në situata më të rënda, sic ishte rasti i bojkotit parlamentar, nuk e njohim si metodë aq më tepër nga persona që nuk janë të qartë cfarë përfaqësojnë. Është bërë thirrje për dialog dhe nëse ‘Rithemelimi’ i paraqet kërkesat në tavolinë përmes përfaqësuesve të opozitës atehëre dakort. Presidentët zgjidhen me konsensus jo me ultimatum.

Pyetje-Mosbesimi nga pala tjetër është i madh aq sa është propozuar të përfshihen ndërkombëtarët. Si e shikoni?

Gjiknuri: Kur edhe ju si gazetarë e shfaqni absurditetin e këtij mosbesimi, është praktikë e papërdorur ndonjëherë. Për mua është propozim i pavend.