Avokati i ish-kryeministrit Sali Berisha, Genc Gjokutaj, mori pjesë në tubimin e mbështetësve para pallatit ku jeton Berisha, i cili aktualisht ndodhet në një masë shtëpie. Gjokutaj inkurajoi mbështetësit dhe shprehu optimizmin se çështja e Berishës do të fitojë.

Ai bëri thirrje për bashkëpunim ndaj kauzës dhe theksoi se duhet të bashkohen kundër atyre që, sipas tij, kanë mashtruar popullin. Gjokutaj siguroi mbështetësit se për pjesën ligjore, ata do të kishin besnikëri ndaj çështjes së tyre dhe se çështja do të fitojë. Avokati përfundoi fjalimin duke premtime optimiste se “Doktor Berisha së shpejti do të jetë midis nesh.”

“Të bëhemi bashkë se këta nuk janë trima, por janë mashtrues, deri më tani kanë mashtruar popullin. Tani këtyre nuk u duhet besuar as e vërteta. Përpara, se njerëzit i kanë hapur sytë. Për pjesën ligjore unë ju garantoj besnikëri ndaj çështjes tonë. Çështja do të fitojë. Doktor Berisha së shpejti do të jetë midis nesh”, tha Gjokutaj.

Ndërkohë, mbështetësit e Sali Berishës kanë organizuar protesta dhe tubime të vazhdueshme në Rrugën Mustafa Matohiti kundër vendimit të Gjykatës Kushtetuese për të rritur masën e sigurisë ndaj Berishës, duke e lënë atë në një lloj arresti shtëpie.