Gjykata e Lartë ka vendosur të rrëzojë rekursin e ish-deputetit të Partisë Demokratike, Ervin Salianji, kundër vendimit të Gjykatës së Apelit, e cila e dënoi atë me 1 vit burg për kallëzim të rremë.
Në vendimin e saj, Gjykata e Lartë njoftoi:
“Mospranimin e rekurseve të paraqitura nga të gjykuarit Jetmir Olldashi dhe Ervin Salianji, kundër vendimit nr.2059/30-2024-6822, datë 26.09.2024, të Gjykatës së Apelit të Juridiksionit të Përgjithshëm.”
Kjo nuk është hera e parë që kërkesat e Salianjit refuzohen nga Gjykata e Lartë. Më 15 tetor 2024, kjo gjykatë refuzoi edhe kërkesën e tij për pezullimin e dënimit.
Ish-deputeti i PD-së po vuan dënimin me 1 vit burg për kallëzim të rremë, pas publikimit në vitin 2018 të disa audio-përgjimeve ku pretendonte se vëllai i ish-ministrit të Brendshëm, Fatmir Xhafaj, ishte i përfshirë në trafikun e drogës.
