Apeli i GJKKO-së ka dhënë vendimin për Emiljano Shullazin dhe bashkëpunëtorët e tij të akuzuar për grup të strukturuar kriminal.
Gjykata e Posaçme e Apelit ka lënë në fuqi vendimin e shkallës së parë e cila ka vendosur dënimin me 14 vite burg për, Emiljano Shullazin. Po kështu GJKKO vendosi 12 vite burg për Gilmando Dani dhe Endrit Qyqjen, 10 vite burg, Endrit Zela, dhe 9 vite burg Blerim Shullazi.
Vendimi i 3 dhjetorit u mor nga gjyka në mungesë të avokatëve mbrojtës dhe 5 të pandehurve. Avokatët dhe të pandehurit refuzon të merrnin pjesë në këtë proces që nga seanca e 24 nëntorit 2021, me pretendimin e shkeljes së të drejtave.
Gjykata ka rrëzuar gjithashtu kërkesën e Shullazit për për përjashtimin e trupës gjykuese të kryesuar nga Miliana Muça dhe anëtarët Artur Kalaja dhe Daniela Shirka.
Përveç kësaj çështje penale, ndaj Emiljano Shullazit vijon të qëndrojë në fuqi edhe një masë e dytë sigurimi “arrest në burg”, për akuzën e “Vrasjes në rrethana cilësuese” në dëm të Vajdim Lamajt dhe Artan Arsit, ngjarje kjo e ndodhur në muajin shkurt 2005 në Tiranë.
Seancat ndaj Emiljano Shullazit dhe 4 të pandehurve të tjerë janë ndjekur në mënyrë të vazhdueshme edhe nga përfaqësues të Ambasadës Amerikane në Tiranë. Gjithashtu, përfaqësues të SHBA dhe BE në Tiranë po monitorojnë këtë proces.
Procesi ndaj Emiljano Shullazit dhe bashkëpunëtorëve të tij i nisur në dhjetor të vitit 2018 në Apel, ka patur një zvarritje të pashëmbull, ku janë shtyrë mbi 40 seanca.
