Ish-efektivi i Shqiponjave Nevaldo Hajdaraj ka apeluar vendimin e Gjykatës së Tiranës që e dënoi me 10 vjet burg për vrasjen e Klodian Rashës në muajin dhjetor të 2020.

Gjykata e Tiranës e dënoi ish-policin me 10 vite burg për vrasjen me dashje të 25-vjeçarit, i cili u vra nga Hajdari gjatë orës policore më 8 dhjetor të vitit të kaluar.

Më 14 korrik gjykata e dënoi Hajdarajn me 15 vite burg, por për shkak të gjykimit të shkurtuar, ai do të vuajë vetëm 10 vite. Ndërsa organi i akuzës kërkoi që ish-efektivi të dënohej me 20 vite heqje lirie.

Kujtojmë se Prokuroria e Tiranës kërkoi 20 vjet burgim.

Dënimi i dhënë nga gjykata e la të zhgënjyer babain e të ndjerit Klodian Rasha, i cili e konsideroi një vendim të padrejtë për një vrasje makabër.