Kuzhinieri i njohur botëror, Gordon Ramsay, ka ndarë me ndjekësit në Instagram lajmin se i është hequr një karcinomë bazocelulare, një formë e zakonshme e kancerit të lëkurës.

Ai publikoi dy foto pas ndërhyrjes: njëra me fashë dhe tjetra ku dukeshin qepjet, duke treguar hapur përvojën e tij. “Jam mirënjohës për ekipin fantastik tek The Skin Associates dhe për reagimin e tyre të shpejtë. Ju falënderoj! Mos harroni krem kundër diellit këtë fundjavë. Premtoj që nuk është ‘face-lift’”, shkroi Ramsay me humor.

Postimi u shoqërua menjëherë me mesazhe mbështetëse nga ndjekësit dhe miqtë: “Shumë e rëndësishme të flitet hapur për gjëra të tilla. Shërim të shpejtë!”, shkroi një fans, ndërsa një tjetër shtoi: “Bravo që bëre kontrollin e lëkurës! Të gjithë duhet ta bëjmë rregullisht”.

Ramsay ka rikujtuar publikun mbi rëndësinë e mbrojtjes nga dielli dhe kontrolleve të rregullta dermatologjike.